មូលធននូបនីយកម្មទីផ្សារ (Market Cap) គឺសំដៅទៅលើតម្លៃទីផ្សារសរុបរបស់ភាគហ៊ុននៃក្រុមហ៊ុនមួយ។ គេអាចគណនា Market Cap បានដោយយកតម្លៃភាគហ៊ុនក្នុងមួយហ៊ុន គុណនឹងចំនួនភាគហ៊ុនសរុបរបស់ក្រុមហ៊ុននោះ។ ឧទាហរណ៍ ក្រុមហ៊ុន Apple Inc. បច្ចុប្បន្នភាគហ៊ុនគាត់មានតម្លៃ ១១៥ ដុល្លារក្នុងមួយភាគហ៊ុន ហើយចំនួនភាគហ៊ុនសរុបចំនួនប្រមាណ ១៧.១ ប៊ីលានហ៊ុន នោះ Market Cap របស់ក្រុមហ៊ុនគឺប្រមាណជិត ២ ទ្រីលានដុល្លារ (ស្មើ ១១៥ x ១៧.១ ប៊ីលាន)។

 

តើការដឹងពី Market Cap មានសារៈសំខាន់អ្វី? វាអាចឱ្យយើងដឹងពីទំហំរបស់ក្រុមហ៊ុននោះ ក៏ដូចជាកំណត់ប្រភេទភាគហ៊ុនបាន ពោលគឺយើងអាចបែងចែកប្រភេទភាគហ៊ុនទៅតាមទំហំបាន។ ជាទូទៅ ការកំណត់ប្រភេទភាគហ៊ុនបែបនេះមាន ៤ប្រភេទ៖

ជាធម្មតា ក្រុមហ៊ុនដែលមាន Market Cap តូចអាចមានហានិភ័យខ្ពស់ជាងដោយសារតែមិនសូវមានធនធានច្រើនដូចក្រុមហ៊ុនធំ តែក្រុមហ៊ុនតូចមានសក្ដានុពលកំណើន និងអាចផ្ដល់ប្រាក់ចំណេញលើការវិនិយោគខ្ពស់ជាងវិញក្នុងករណីគំនិតអាជីវកម្ម ឬផលិតផលរបស់ពួកគេទទួលបានភាពជោគជ័យ។ ឧទាហរណ៍៖ ក្រុមហ៊ុនជីវបច្ចេកទេសផលិតថ្នាំ ឬវ៉ាក់សាំងដែលកំពុងស្ថិតក្នុងវគ្គពិសោធន៍។