សម្រាប់មនុស្សជាច្រើន ការទិញផ្ទះដំបូង គឺជាព្រឹត្តិការណ៍ធំមួយនៅក្នុងជីវិត។ ជាពិសេស បុគ្គលដែលនៅក្នុងវ័យ ២០ ជាង ឬ ៣០ ស្តើង តែងមានអារម្មណ៍ភ័យ និងមិនដឹងថាគួរចាប់ផ្តើម ពីចំណុចណាក្នុងដំណើរការទិញផ្ទះរបស់ពួកគេ។ ការទិញផ្ទះ គឺមិនងាយស្រួលដូចជាការទិញរបស់ ប្រើប្រាស់ប្រចាំថ្ងៃទេ ព្រោះអ្នកកំពុងតែទិញអនាគតរបស់អ្នក ក៏ដូចជាកន្លែងដែលក្រុមគ្រួសារ និងកូន ៗ របស់អ្នកនឹងធំឡើង និងបង្កើតអនុស្សាវរីយ៍ពេញមួយជីវិត។
ដើម្បីជួយផ្តល់ការតម្រង់ទិស និង កាត់បន្ថយសម្ពាធរបស់អ្នកដែលកំពុងពិចារណាក្នុងការទិញផ្ទះដំបូង ខាងក្រោមនេះគឺជាសំណួរចំនួន ១០ ដែលអ្នកគួរសួរខ្លួនឯងមុនពេលទិញផ្ទះដំបូង ៖
១. តើខ្ញុំទិញ ដើម្បីស្នាក់នៅ ឬវិនិយោគ?
២. តើខ្ញុំមានកញ្ចប់លុយត្រៀមប៉ុន្មានសម្រាប់ទិញផ្ទះ?
៣. តើខ្ញុំអាចខ្ចីប្រាក់បានប៉ុន្មាន (សម្រាប់អ្នកបង់រំលួស)?
៤. តើខ្ញុំត្រូវសន្សំប៉ុន្មានសម្រាប់លុយកក់?
៥. តើខ្ញុំត្រូវការសន្សំសម្រាប់ចំណាយក្នុងការរើចូលទៅនៅក្នុងផ្ទះទេ?
៦. តើគ្រឿងសង្ហារិម និងការតុបតែងមានតម្លៃប៉ុន្មាន?
៧. តើខ្ញុំអាចមានលទ្ធភាពបង់រំលស់ប្រចាំខែបានទេ?
៨. ក្រៅពីថ្លៃផ្ទះ នៅមានថ្លៃអ្វីទៀតដែលខ្ញុំត្រូវចំណាយជាប្រចាំ (ឧទា៖ ពន្ធ ថ្លៃជួសជុលផ្ទះ)
៩. តើខ្ញុំមានពិន្ទុឥណទាន (credit score) ល្អទេ?
១០. តើខ្ញុំត្រូវដាក់ពាក្យសុំប្រាក់កម្ចីរួមជាមួយប្តី/ប្រពន្ធរបស់ខ្ញុំដែរឬទេ?
បន្ទាប់ពីបានអានសំណួរទាំង ១០ នេះហើយ តើអ្នកត្រៀមខ្លួនទិញផ្ទះដំបូងហើយឬនៅ?