សព្វថ្ងៃពួកយើងកំពុងរស់នៅក្នុងសង្គម ដែលបែងចែក និងកំណត់វណ្ណៈរបស់មនុស្ស តាមរយៈការស្លៀកពាក់ និងប្រើប្រាស់របស់ logo ប្រេនៗ ការបង្អួតគ្រឿងអលង្ការ ឡានទំនើប និងការស៊ីផឹក។ វប្បធម៌បង្អួតគ្នានេះហើយ បានធ្វើឱ្យមនុស្សមួយចំនួនរស់នៅរំពឹងពីប្រាក់ខែមួយខែទៅមួយខែ ដោយមិនសល់ទ្រព្យធននឹងគេក្រៅពីការបង្អួតសំញែងគ្នា។

យើងគួរចាប់ផ្តើមគាំទ្រចំពោះអ្នកដែលចេះវិនិយោគ អ្នកដែលចេះសន្សំទ្រព្យធន និងអ្នកដែលប្រឹងប្រែងផ្គត់ផ្គង់ដល់គ្រួសារ។ ភាពមានបានពិតប្រាកដ គឺមិនមែនវប្បធម៌បង្អួតនេះទេ តែគឺសេរីភាពហិរញ្ញវត្ថុ សុខភាព និងសុភមង្គល។