នៅវ័យខ្ទង់ ២០ គឺជាពេលវេលាមួយ ដែលយើងត្រូវរៀនម្ចាស់ការ និង ព្យាយាមស្វែងយល់ពីខ្លួនឯងឱ្យបានច្រើន ក៏ដូចជាអ្វីដែលខ្លួនចង់ធ្វើ។ ជម្រើសដែលយើងជ្រើសរើសក្នុងដំណាក់នេះ នឹងកំនត់ជីវិតរបស់យើងនាពេលអនាគត។ នេះគឺសកម្មភាព និងគោលដៅមួយចំនួន ដែលអ្នកចាំបាច់គួរខិតខំសម្រេចមុនពេលឈានដល់អាយុ ៣០ ឆ្នាំ៖ ១. ខិតខំប្រឹងធ្វើការងារឱ្យអស់ពីសមត្ថភាព ២. អានឱ្យបានច្រើន ៣. មានប្រភពចំណូលលើសពីមួយ ៤. មាន mentor ល្អម្នាក់ ៥. ទទួលបានឯករាជ្យភាពផ្នែកហិរញ្ញវត្ថុ ៦. អភិវឌ្ឍជំនាញទំនាក់ទំនង និងការចរចារបស់អ្នក ៧.បញ្ឈប់ទម្លាប់អាក្រក់របស់អ្នក ៨.គណនាចំនួនទឹកប្រាក់ដែលអ្នកត្រូវការសម្រាប់ប្រាក់សន្សំសម្រាប់ចូលនិវត្តន៍ ៩. ហាត់ប្រាណជាប្រចាំ និងចាប់ផ្តើមញ៉ាំអាហារល្អសម្រាប់សុខភាព ១០. ធ្វើអ្វីមួយ ដែលអ្នកមិនធ្លាប់សាកល្បង ឬក៏មិនហ៊ាន។
កើតមកមិនសូវមាន គួរតូចចិត្តទេ?
អ្នកដែលរស់នៅក្នុងគ្រួសារមិនធូធារប្រហែលជាធ្លាប់គិតហើយថាខ្លួនឯងដើរក្រោយគេ ព្រោះកូនអ្នកមាន មានឱកាសច្រើនជាង។ ក្មេងដែលកើតក្នុងគ្រួសារអ្នកមានភាគច្រើន នៅតែមានការងារល្អទោះបីពួកគេខ្ជិលយ៉ាងណាក៏ដោយ ព្រោះឪពុកម្តាយអ្នកមានបានបង្កើតកម្រាលកញ្ចក់ (glass floor) ដែលមានន័យថាឪពុកម្តាយអ្នកមាននឹងធ្វើយ៉ាងណាមិនឱ្យកូនគាត់ធ្លាក់ខ្លួនក្រជាងពួកគាត់ឡើយ។ កូនអ្នកមានអាចមានឱកាសក្នុងការដកបទពិសោធន៍ក្នុងជីវិតបានច្រើន។ ពួកគេអាចរៀនសាលាល្អៗដែលមានគុណភាពខ្ពស់, អាចដើរលេងដើម្បីទទួលបានបទពិសោធន៍ថ្មីៗក្រៅប្រទេស និងបើកផ្នត់គំនិតឱ្យទូលាយជាងមុន, អាចរៀនធ្វើការងារពីឪពុកម្តាយរបស់ពួកគេ, អាចសាកល្បងធ្វើការរកស៊ី ជាដើម ដោយមិនព្រួយបារម្ភពីបញ្ហាហិរញ្ញវត្ថុឡើយព្រោះមានដើមទុនស្រាប់។ ពួកគេមានឱកាសក្នុងការបង្កើតបណ្ដាញទំនាក់ទំនងច្រើន។ ជាធម្មតា ប្រសិនបើឪពុកម្តាយអ្នករកស៊ីមានស្គាល់គេច្រើន អាចណែនាំឱ្យកូនបង្កើតទំនាក់ទំនងស្រួលពេលចេញធ្វើការងារ ឬប្រកបរបររកស៊ីដែរ ពួកគេក៏មានលទ្ធភាពក្នុងការស្លៀកពាក់បានសមរម្យថ្លៃថ្នូរជាងអ្នកធម្មតា ពោលគឺចូលកម្មវិធីធំដុំចុះចំណោម និងងាយស្រួលក្នុងការបង្កើតទំនាក់ទំនង។ យ៉ាងណាមិញ #LuyBook ចង់សួរអ្នកទាំងអស់គ្នាថា ប្រសិនបើអ្នកកើតមកក្នុងគ្រួសារមិនសូវធូធារដូចគេ តើបាត់ឱកាសទេ ឬអ្នកប្រៀបមិនបាននឹងគេទេ? ទោះបីជាអ្នកមិនធូធារ វាមិនមានន័យថាអ្នកប្រៀបមិនបាននឹងគេ ឬបាត់ឱកាសនោះទេ។ វាគ្រាន់តែមានន័យថា ឪពុកម្តាយ ជីដូនជីតាគេបានខិតខំប្រឹងប្រែងយ៉ាងខ្លាំង ទើបអាចឱ្យកូនចៅគេរស់ស្រួល។ ដូចនេះ អ្នកក៏ត្រូវខិតខំប្រឹងប្រែងឱ្យអស់ពីលទ្ធភាព ទើបអាចឱ្យកូនចៅអ្នក និងអ្នករស់ស្រួលដូចគ្នា។ នេះដូចជាសម្ដីរបស់មហាសេដ្ឋី Bill Gates បានពោលថា៖ កើតមកក្រមិនមែនជាកំហុស តែបើអ្នកស្លាប់ទៅវិញក្រទើបជាកំហុសដ៏ធំរបស់អ្នក។
តើអ្នកនឹងធ្វើអ្វីប្លែកក្នុងជីវិត ប្រសិនបើលុយមិនមែនជាបញ្ហា?
សាកសួរខ្លួនឯងទៅមើលថា តើអ្នកនឹងចង់ធ្វើអ្វីប្លែកពីជីវិតរាល់ថ្ងៃ ប្រសិនបើលុយមិនមែនជាបញ្ហា? តើអ្នកនឹងចំណាយពេលវេលារបស់អ្នកយ៉ាងដូចម្តេច? មនុស្សម្នាក់ៗតែងមានជំនឿ និងដាក់កំហិតជាច្រើនទៅលើអ្វីដែលគេគិតថាអាច និងមិនអាចធ្វើបានក្នុងជីវិត។ ហើយជាលទ្ធផលពួកគេមិនអើពើនឹងសម្លេងខាងក្នុង និងវិចារណញាណ (intuition) របស់ពួកគេ។ ពួកគេព្រងើយកន្តើយចំពោះទេពកោសល្យ និងអំណោយពីធម្មជាតិដ៏មានតម្លៃរបស់ខ្លួន ហើយចាប់ផ្តើមធ្វើអ្វីដែលគេគិតថានឹងនាំផ្លូវទៅរកប្រាក់ចំណូលច្រើន បើទោះបីជាគេមិនសប្បាយចិត្តនឹងធ្វើវាក៏ដោយ។ ពួកគេហាក់គិតថានេះជាអ្វីដែលសង្គមប្រាប់ថា ជារឿងត្រឹមត្រូវដែលពួកគេគួរតែដើរតាម។ អ្នកអាចមានលុយទាំងអស់នៅលើពិភពលោក ប៉ុន្តែប្រសិនបើអ្នកមិនឱ្យតម្លៃ និងផ្តល់កិត្តិយសដល់ខ្លួនឯង និងផ្លូវជីវិតរបស់អ្នក ព្រមទាំងមិនរស់នៅស្របទៅនឹងគោលបំណងជីវិតរបស់អ្នក, អ្នកនឹងមិនមានភាពរីករាយពិតប្រាកដ ឬមានអារម្មណ៍ថាស្កប់ស្កល់នោះទេ។ អ្នកនឹងមានអារម្មណ៍ថា ជីវិតអ្នកនៅតែខ្វះអ្វីម្យ៉ាង… លុយគួរតែជាសមិទ្ធផលបន្ទាប់បន្សំ ដែលអ្នកទទួលបានបន្ទាប់ពីធ្វើអ្វីដែលអ្នកពេញចិត្ត។ ហើយដូចលោក Alan Watts បានពន្យល់ថា “ ប្រសិនបើអ្នកនិយាយថាការរកលុយគឺជាអ្វីដែលសំខាន់បំផុត អ្នកនឹងខ្ជះខ្ជាយពេលវេលាពេញមួយជីវិតដើម្បីដេញតាមវា។ សុខចិត្តរស់នៅរយៈពេលខ្លី តែពោរពេញទៅដោយអ្វីដែលអ្នកចូលចិត្តធ្វើ ប្រសើរជាងមានជីវិតដ៏យូរអង្វែង ប៉ុន្តែចំណាយដើរលើផ្លូវដ៏វេទនា។”
១ នាទីក្នុងការផ្លាស់ប្ដូរទម្លាប់គ្រប់គ្រងហិរញ្ញវត្ថុ
តើអ្នកទាំងអស់គ្នាកំពុងតែមានបញ្ហាមិនដឹងគ្រប់គ្រងលុយខ្លួនឯងយ៉ាងណាមែនទេ? រាល់ថ្ងៃមិនដឹងចាយអីខ្លះទេ? ដូចតិចតួចដែរ តែម៉េចមិនសល់លុយសោះ? #LuyBook នឹងនាំអ្នកទាំងអស់គ្នាឱ្យស្គាល់ពីវិធីសាស្ត្រមួយងាយៗ ក្នុងការផ្លាស់ប្ដូរទម្លាប់របស់អ្នកក្នុងការគ្រប់គ្រងលុយ។ វិធីសាស្ត្រនោះគឺ ចំណាយពេល ០១ នាទីដើម្បីគ្រប់គ្រងហិរញ្ញវត្ថុរបស់អ្នកជារៀងរាល់ថ្ងៃ (Money Minute)។ ជាទូទៅ ដើម្បីអនុវត្ត គឺមាន ៣ ជំហានងាយៗដូចជា៖ ជំហានទី ១. ជ្រើសរើសពេលវេលាណាមួយ ដើម្បីចំណាយពេលលើការគ្រប់គ្រងហិរញ្ញវត្ថុរបស់ខ្លួនប្រចាំថ្ងៃ។ ដោយហេតុថា អ្នកត្រូវចំណាយពេលតែ ០១ នាទីជារៀងរាល់ថ្ងៃ, អ្នកអាចអនុវត្តនៅពេលធ្វើដំណើរទៅរៀន ឬធ្វើការ, ពេលសម្រាកបាយថ្ងៃ, ឬពេលទំនេរណាមួយ។ ប៉ុន្តែត្រូវចាំថា អ្នកគួរជ្រើសរើសពេលជាក់លាក់ ដើម្បីអនុវត្តជារៀងរាល់ថ្ងៃ។ ហើយបើកាន់តែល្អគួរតែដាក់ម៉ោងរោទិ៍ ទើបអនុវត្តយូរៗក្លាយទៅជាទម្លាប់។ ជំហានទី ២. ទាញយកកម្មវិធីដែលទាក់ទងនឹងការគ្រប់គ្រងហិរញ្ញវត្ថុ ដូចជាកម្មវិធីកត់ត្រាចំណូលចំណាយ និងកម្មវិធីធនាគារ ជាដើម។ រួចដាក់កម្មវិធីទាំងនោះនៅលើទូរស័ព្ទរបស់អ្នក ដើម្បីងាយស្រួលយកមកកត់ត្រាចំណាយ ឬពិនិត្យមើលស្ថានភាពហិរញ្ញវត្ថុពេលបច្ចុប្បន្ន។ ជំហានទី ៣. ធ្វើការពិចារណាអំពីស្ថានភាពហិរញ្ញវត្ថុរបស់ខ្លួនប្រចាំថ្ងៃ ថាតើអ្នកបានចាយច្រើនលើសលុប ឬត្រូវគ្រោងចំណាយអ្វីខ្លះ ជាដើម។ ឧទាហរណ៍៖ ប្រហែលជាញ៉ាំបាយថ្ងៃអស់ច្រើនតិចហើយថ្ងៃមិញ ឬអ្នកត្រូវបង់ថ្ងៃទឹកភ្លើងថ្ងៃស្អែក។ ការគ្រប់គ្រងហិរញ្ញវត្ថុផ្ទាល់ខ្លួន ដោយចំណាយពេលតែ […]
អ្វីទៅជំរុញឱ្យអ្នកក្រោកឡើងពីព្រលឹម?
នៅប្រទេសជប៉ុនមានទស្សនៈមួយ ហៅថា Ikigai (អ៊ិឃីហ្គាយ) ដែលបកប្រែមកថា “ហេតុផលសម្រាប់ការរស់នៅប្រចាំថ្ងៃ” ។ វាជាអ្វីមួយ ដែលជំរុញឱ្យបុគ្គលនីមួយៗមានហេតុផល និងកម្លាំងចិត្តក្នុងការក្រោកឡើងពីដំណេកជារៀងរាល់ព្រឹក ដើម្បីប្រកបរបរ និងរស់រានមានជីវិត។ អ្វីទៅជាហេតុផលសម្រាប់ការរស់នៅប្រចាំថ្ងៃរបស់អ្នក? Ikigai ត្រូវបានគេមើលឃើញថាជាការរួមបញ្ចូលគ្នានៃធាតុបឋមចំនួនបួន៖ ១. អ្វីដែលអ្នកស្រឡាញ់ (ចំណង់ចំណូលចិត្តរបស់អ្នក) ២. អ្វីដែលពិភពលោកត្រូវការ (បេសកកម្មរបស់អ្នក) ៣. អ្វីដែលអ្នកពូកែ (វិជ្ជាជីវៈ ឬទេពកោសល្យរបស់អ្នក) ៤. អ្វីដែលអ្នកអាចរកលុយបាន (អាជីពរបស់អ្នក) Ikigai ត្រូវបានរកឃើញនៅចំនុចប្រសព្វ ដែលចំណង់ចំណូលចិត្ត និងទេពកោសល្យរបស់អ្នក ត្រូវគ្នានឹងអ្វីដែលពិភពលោកត្រូវការ និងហ៊ានចំណាយ ។ ហេតុអ្វី Ikigai សំខាន់? ការរកឃើញ Ikigai ផ្ទាល់ខ្លួនរបស់បុគ្គលម្នាក់ៗ ត្រូវបានគេជឿថាជាកត្តានាំមកនូវភាពស្កប់ចិត្ត, សេចក្តីសុខ, ភាពសប្បាយរីករាយ, តុល្យភាពក្នុងសកម្មភាពប្រចាំថ្ងៃនៃជីវិត និងធ្វើឱ្យអ្នករស់នៅបានយូរ។ ការចង់ដឹងចង់លឺ, ការដើរតាមនូវអ្វីដែលធ្វើឱ្យអ្នកមានអារម្មណ៍រស់រវើក អាចជាគន្លឹះក្នុងការរកឃើញនូវ Ikigai របស់អ្នក។ ខិតខំរកវិធីក្នុងការបង្ហាញ និងប្រើប្រាស់ទេពកោសល្យ និងចំណង់ចំណូលចិត្តរបស់អ្នក ហើយព្យាយាមភ្ជាប់វាទៅនឹងអ្វីដែលពិភពលោកត្រូវការ, […]
ឈានទៅកាន់ជីវិតដែលយើងប្រាថ្នា
Rem ipsum dolor sit amet, Nem consectetur adipiscing elit. A tempor scelerisque mauris.
យុទ្ធសាស្ត្រក្នុងការស្វែងរកការងារ
LuyBook នឹងចែករំលែកពីវិធីសាស្ត្រល្អៗ និងបទពិសោធន៍ផ្ទាល់ខ្លួនមួយចំនួនក្នុងការស្វែងរកការងារសម្រាប់អ្នកដែលនឹងបញ្ចប់ការសិក្សាឆាប់ៗ។ ការស្វែងរកការងារឱ្យត្រូវតាមជំនាញ និងចំណង់ចំណូលចិត្តរបស់យើងម្នាក់ៗ គឺជាដំណើរការមួយដែលលំបាក។ ដូច្នេះវាជាការសំខាន់ណាស់ ដែលយើងរៀបចំនូវផែនការទុកមុនឱ្យបានត្រឹមត្រូវ និងធ្វើការស្រាវជ្រាវឱ្យបានច្រើន ដើម្បីត្រៀមខ្លួនសម្រាប់ការចូលទីផ្សារការងារ។ LuyBook មានគន្លឹះ ៤ ដើម្បីជួយឱ្យអ្នកធ្វើការចាប់ផ្តើមបាន៖ ១. កំណត់ការរំពឹងទុក (setting expectations) សម្រាប់ការស្វែងរកការងាររបស់អ្នក អ្នកអាចឃើញថាឱកាសចូលទៅក្នុងក្រុមហ៊ុន ឬទទួលតួនាទីដែលអ្នកពេញចិត្ត មានភាពស្តួចស្តើងជាងមុន ដោយសារស្ថានភាពសេដ្ឋកិច្ចបច្ចុប្បន្ន (ឧទាហរណ៍៖ វិស័យទេសចរណ៍, បដិសណ្ឋារកិច្ច, អចលនទ្រព្យ ឬ ពាណិជ្ជកម្មជាដើម) ។ អ្នកត្រូវចេះបត់បែនក្នុងករណីនេះ! ស្វែងរកឱកាសដែលខុសគ្នាបន្តិចបន្តួចពីគោលដៅរបស់អ្នក ហើយកុំរឹតត្បិតទស្សនៈអំពីរបៀបដែលអ្នកអាចប្រើប្រាស់ជំនាញនិងបទពិសោធន៍របស់អ្នកបាន។ ឧទាហរណ៍ថា អ្នកចង់ក្លាយជា financial analyst នៅក្រុមហ៊ុនវិនិយោគមួយ ប៉ុន្តែក្រុមហ៊ុននេះមិនរើស financial analyst ទេ តែគេត្រូវការ project assistant ទៅវិញ។ អ្នកអាចសាករកវិធីទាញយកជំនាញជា financial analyst មកប្រើប្រាស់ក្នុងតួនាទីជា project assistant ទៅមើល ហើយប្រហែលជាអ្នកអាចចាប់ផ្តើមធ្វើជា project […]
រៀនចប់ពេលសេដ្ឋកិច្ចកំពុងមានវិបត្តិ?
តើអ្នកណាគេខ្លះត្រូវរៀនចប់ ហើយចេញធ្វើការក្នុងឆ្នាំ ២០២០ នេះ? ស្របពេលដែលសេដ្ឋកិច្ចកំពុងរងផលប៉ះពាល់ពីវិបត្តិជំងឺកូវីដ-១៩, ក្រុមហ៊ុន និងអាជីវកម្មជាច្រើនកំពុងប្រឈមនឹងបញ្ហាខាតបង់ចំណូល និងលំហូរសាច់ប្រាក់, ការសម្ភាសន៍ការងារ និងការចុះកម្មសិក្សា (internship) ត្រូវបានពន្យារពេល ឬលុបចោល និស្សិតដែលត្រៀមនឹងបញ្ចប់ការសិក្សាក្នុងឆ្នាំ ២០២០ មានការព្រួយបារម្ភយ៉ាងខ្លាំងទៅលើទីផ្សារការងារនារយៈពេលខ្លីខាងមុខ។ និស្សិតរៀនឆ្នាំចុងក្រោយនៅមហាវិទ្យាល័យមានការភ័យខ្លាចថា អនាគតរបស់ពួកគេអាចដូចទៅនឹងអ្វីដែលអ្នករៀនចប់កាលពីសម័យវិបត្តិហិរញ្ញវត្ថុក្នុងឆ្នាំ ២០០៨ និង ២០០៩ បានជួបប្រទះ។ ជាក់ស្តែង ពេលនោះគឺ ពួកគេបានចូលប្រឡូកក្នុងទីផ្សារការងារចំពេលវិបត្តិសេដ្ឋកិច្ច ដែលគ្រានោះក្រុមហ៊ុនជាច្រើនបានកំពុងបញ្ឈប់ការងារក្នុងទ្រង់ទ្រាយធំ និងមិនធ្វើការរើសបុគ្គលិកបន្ថែម។ តាមការសង្កេតមើលលើនិន្នាការនាពេលកន្លង និស្សិតមហាវិទ្យាល័យដែលបានបញ្ចប់ការសិក្សាក្នុងឆ្នាំ សេដ្ឋកិច្ចមានវិបត្តិទទួលបានការងារដែលមានប្រាក់ខែទាបជាងអ្នកដែលរៀនចប់មុនពួកគេ (សូម្បីតែមួយឆ្នាំមុនក៏ដោយ) ហើយការងារទាំងនោះគឺធ្វើនៅក្រុមហ៊ុនដែលមិនមែនជាគោលដៅរបស់ពួកគេ។ សេដ្ឋវិទូបានរកឃើញថាផលប៉ះពាល់នេះ នាំឱ្យអត្រាគ្មានការងារធ្វើកើនឡើងខ្ពស់ ហើយប្រាក់ខែស្ថិតក្នុងកម្រិតទាបជាងពេលសេដ្ឋកិច្ចនៅក្នុងស្ថានភាពធម្មតា និងព្រមទាំងអាចជះឥទ្ធិពលទៅលើអាជីពរបស់និស្សិតទាំងនេះក្នុងរយៈពេលវែងរហូតដល់ ១០ ឬ ១៥ ឆ្នាំ។ ថាតើនិស្សិតដែលនឹងបញ្ចប់ការសិក្សាក្នុងឆ្នាំ ២០២០ នឹងប្រឈមមុខនឹងផលវិបាកក្នុងរយៈពេលវែងយ៉ាងណា គឺអាស្រ័យលើកត្តាមួយចំនួន រួមមាន៖ រយៈពេលនៃការរាតត្បាតរបស់ជំងឺកូវីដ-១៩ និង ទំហំនៃវិបត្តិសេដ្ឋកិច្ចដែលនឹងកើតឡើងបន្ទាប់នេះ ដែលមើលទៅហាក់ដូចជាមានសភាពធ្ងន់ធ្ងរ ព្រមទាំងអាចប៉ះពាល់ដល់ល្បឿននៃការអភិវឌ្ឍរបស់ប្រទេសជាតិផងដែរ។
ហេតុអ្វីបានជាការវិនិយោគលើខ្លួនឯងមានសារៈសំខាន់?
ដោយសារតែអ្នកអាចអភិវឌ្ឍខ្លួនក្លាយជា Best Version of yourself។ ការវិនិយោគលើខ្លួនឯង នឹងជួយអ្នកឱ្យគិត និងផ្តោតលើអ្វីដែលពិតជាសំខាន់សម្រាប់អ្នក ឬធ្វើអោយគុណភាពជីវិតរបស់អ្នកប្រសើរឡើង។ ហើយអ្វីដែលពិសេសបំផុតនោះ ការវិនិយោគនេះមិនត្រូវការចំណាយច្រើនពេកទេ!មូលហេតុដែលការវិនិយោគលើខ្លួនឯងគឺជាការវិនិយោគដ៏ល្អបំផុត មានដូចជា៖ ១.អ្នកគឺជាប្រភពនៃទ្រព្យសម្បត្តិដ៏សំខាន់បំផុតសម្រាប់ខ្លួនឯង៖ ការវិនិយោគលើខ្លួនឯង ដើម្បីអភិវឌ្ឍចំណេះដឹងនិងជំនាញរបស់អ្នក គឺជាការវិនិយោគសំខាន់បំផុតសម្រាប់អនាគតផ្នែកហិរញ្ញវត្ថុរបស់អ្នក។ នេះមានន័យថា ចំណេះដឹងនិងជំនាញរបស់អ្នក ពាក់ព័ន្ធនឹងសក្តានុពលនៃប្រាក់ចំណូល ថាតើអ្នកអាចបានចំណូលខ្ពស់ ឬទាប។ បន្ថែមទៀត អ្នកគួរបន្តអភិវឌ្ឍចំណេះដឹង និងជំនាញរបស់អ្នកជាប្រចាំ ពីព្រោះថាអ្វីដែលអ្នករៀនកាលពី ៥ឆ្នាំមុននៅសាលាប្រហែលជាហួសសម័យបាត់ទៅហើយ។ ដើម្បីទទួលបានភាពជោគជ័យប្រកបដោយនិរន្តរភាព អ្នកគួរចាប់ផ្ដើមចាប់យកជំនាញថ្មីៗ បន្ថែមលើអ្វីដែលអ្នកមាន ជាពិសេសជំនាញដែលសមស្របនឹងបរិបទសង្គមផងដែរ។ ឧទាហរណ៍ សកលលោកបានឈានដល់បដិវត្តន៍ឧស្សាហកម្ម ៤.០ ដូចនេះអ្នកគួរតែចាប់ជំនាញថ្មីៗទាក់ទងនឹងបច្ចេកវិទ្យាដើម្បីបន្ថែមតម្លៃលើការងារ ឬការរកស៊ីរបស់អ្នក។ ២.ចំណេះដឹងនិងជំនាញរបស់អ្នកនឹងឋិតឋេរបើទោះជាមានអ្វីកើតឡើងក៏ដោយ៖ ចំណេះដឹង, ជំនាញ, និងបទពិសោធន៍របស់អ្នក នៅតែឋិតឋេរជាមួយអ្នក បើទោះជាពេលដែលអ្នកបាត់បង់អ្វីៗទាំងអស់។ ប្រសិនបើអ្នកបាត់បង់ការងារ ឬជួបវិបត្តិណាមួយដែលធ្វើឱ្យអ្នកបាត់បង់អ្វីទាំងអស់ នោះចំណេះដឹងនិងជំនាញរបស់អ្នកមិនបាត់បង់ទេ ហើយចំណេះដឹងនិងជំនាញដែលអ្នកមាន អាចឱ្យអ្នកចាប់ផ្ដើមពីចំណុចសូន្យឡើងវិញ ឈានទៅរកភាពជោគជ័យបាន។ ក្នុងអំឡុងពេលការរីករាលដាលនៃជំងឺកូវីដ-១៩ ដែលយើងកំពុងតែរក្សាគម្លាតសង្គមផងដែរ អ្នកមានពេលវេលាច្រើនដើម្បីផ្តោតលើការអភិវឌ្ឍខ្លួនច្រើនជាងមុន។ អ្នកអាចចាប់យកជំនាញថ្មីៗដែលអ្នកចង់រៀន, អានសៀវភៅដែលអ្នកចង់អាន, ចូលរួមសិក្ខាសាលាតាមអនឡាញ ឬរៀនអនឡាញដែលអ្នកចូលចិត្ត ជាដើម។ […]